نون بوست – سيدي افني
وافق مجلس الوزراء الإسباني، مساء أمس الجمعة، على تفويت ملكية مسرح “سيرفانتيس” الكبير الكائن بمدينة طنجة إلى المغرب.مما يفتح السؤال حول امكانية تفويت بناية “الباكدوريا” التي لاتزال تابعة للنفود الاسباني بسيدي افني
وقد اورد موقع “لكم ” ان مجلس الوزراء الإسباني اعتمدقرارا يفوض بمقتضاه التوقيع والتطبيق المؤقت للبروتوكول الذي يجمع بين إسبانيا والمغرب، بشأن التبرع غير القابل للإلغاء لمسرح “سيربانتيس”، بعد العرض الذي كانت الحكومة المغربية قد تقدمت به من أجل ترميم هذا الصرح الفني وصيانته، والإشراف على إدارته .
ومن المنتظر، أن تنقل ملكية المسرح إلى المغرب من خلال بروتوكول يشكل اتفاقا دوليا، يصادق مجلسي النواب والشيوخ على قرار التفويت.
فهل ستحظى المعالم الاسبانية في سيدي افني بنفس قرار التفويت مستقبلا؟
وهل سيتم ” تحرير” اهم بناية اسبانية بسيدي افني من واقع التهميش والعطالة التي تتخبط فيها منذ خمسين سنة ؟
وقد تصير الباكدوريا في حالة تسلمها أهم بناية تڨافية بقيمتها المعمارية الجد مهمة، وحمولتها التاريخية الوازنة وقد يشكل ترميمها وإعادة تشغيلها خطوة مهمة لمجال الثقافة بجنوب المغرب
للاشارة فان بسيدي افني ازيد من عشر بنايات لاتزال خاضعة للدولة الاسبانية ولم تسلمها للمغرب بعد
الباكادوريا… “مسمار جحا الإسباني”
الناس ديال طنجة تقاتلو وجابو العز..راه سنين وقضية تفويت الملكية ديال مسرح عمنا سيربانتيس معروضة على الجهات المعنية (في إسبانيا) من أيام حكومة مريانو راخوي وأخيرا تم التفويت.
الرأي العام الإفناوي طلب باش ديك الخرابة تتحول إلى مركز ثقافي ولا مركز سيربانتيس هادي سنين وشحااااال حلمت بهاد القضية أنا شخصيا. كانت محاولة من طرف المجلس البلدي أيام السيد محمد الوحداني وتم التوصل لشي إتفاق (ما فهمنا فيه والو…بداو كايصلحو وشوية تسد داكشي ثاني). عرضت الفكرة على جهات أكاديمية تواصلات مع القنصلية مازال ديك الساعة خوان كارلوس هو الملك د إسبانيا وقالو “يكون خير..ولكن بشرط إسبانيا ما تغرم حتى ريال. واحد المرة طلبت مقابلة السيد العامل (الأول) للحديث في الموضوع وقال “حنا مستعدين نصرفو عليها حتى لجوج د المليون د الدرهم”…ومشا عامل وجا عامل…والحال هو الحال.
الحل: خاص ولاد لبلاد اللي في مناصب القرار يجتمعو وبلا فرض أفكار إدارية عابرة…القضية خاصها تمخميخة نييييييت نيت..يسمعو المقترحات ويتوجدو للدعم المادي (ما بغينا والو لراسنا…كلشي لإفني).
الصبليون ولاد عمنا و واخا دوزنا معاهم الحرب وساليناها بخزيت كاين أمل في مستقبل (و خلييييييينا عليك من دوك الزيارات ديال خاوية فعامرة د خوتنا الكاناريوس..القضية حلها فمدريد).
خاص تصور كامل لمشروع ثقافي وبرنامج ديال خمس سنين على الأقل (و ها هو موجود ولكن ما كاينش معا من) و خاص ضمانات مالية من الجهات المسؤولة (المجلس الجماعي، المجلس الجهوي، وزارة الثقافة) و نتفاهمو بعدا غير بيناتنا عاد نطلعو نهضرو مع الصبليون (نييييشان لوزارة الخارجية و لوزارة الدفاع).
المشكل الكبير هو أننا نهار كانبغو نتفاهمو مع الصبليون فمسألة الباكادوريا كايسدونا بديك “حنا ما عندنا مشكل…تفاهمو بيناتكوم وعطونا ضمانات).
إيوا الله يجيب معا من (من ديالنا بعدا…إما الصبليون وخا راسهم قاصح بحال الرخام مازال كاين ليهم الدوا و إلى وقفنا معاهم على الصح ما غادي يخويو بينا بحال “أهلنا ذوينا”.
يصاوب الله.
كلام في الصميم وكلو معقول ولكن حتى حد مايتصنت ليه .المشكل عندنا في إفني هو كل رئيس يقول لك انا غانخدم أحسن من اللي سابقني وعاد ماكايكفسها كثر .
لك الله يا إفني الجريحة
الرؤساء “مارون بين الكلمات العابرة”، كل واحد كايدوز وقتو ويدير علاش قد وكلها وجهدو. قضية المسائل الثقافية ماشي ديال اللعب والتشاور مع أعضاء المجالس (مع كامل إحترامي للجميع) …راه ماشي بالصنطيحة ولا بالكوستيم باش يولي الواحد أو الواحدة كايفهم في تسيير الأمور الثقافية الفنية. بنادم ما عمرو خدم في المجال ونهار كايترشح ويوصل للمجلس كايشد اللجنة الثقافية والفنية وكايبدا يفهم عليك ونتا ضروسك خليتيهم في الضومين.
نحن في حاجة لمجلس يعرف قدر نفسه وقدر أبناء وبنات المدينة والمنطقة ولا يعمل بمنطق “هادا ديالنا …هاداك إلى جبناه غادي يعكس لينا الشغل…هاداك كايفهم بزاف…” ومنهج “جيب ديما اللي فاهم أقل منك باش اللي قلتي يقول “آمين”.